ບົດເຊີນພຣະຈິດເຈົ້າ
ເດຊະພຣະນາມພຣະບິດາ ແລະພຣະບຸດ ແລະພຣະຈິດ. ສາທຸ.
ກໍ່: ເຊີນສະເດັດມາໂອພຣະຈິດເຈົ້າ,
ຮັບ: ເຊີນເຂົ້າມາຢູ່ໃນໃຈພວກສັດຕະບຸຣຸດ ແລະເຜົາໃຈນັ້ນໃຫ້ຮ້ອນຮັກພຣະອົງ ຂໍໃຊ້ພຣະຈິດພຣະອົງລົງມາແລະສິ່ງທັງປວງກຳຈະຖືກສ້າງຂຶ້ນມາແລ້ວພຣະອົງຈະຟື້ນຟູແຜ່ນດິນຂຶ້ນໃໝ່.
ໂອພຣະເຈົ້າ ພຣະອົງໄດ້ສອນໃຈພວກສັດຕະບຸຣຸດດ້ວຍຄວາມສະຫວ່າງຂອງພຣະຈິດ ຂໍໃຫ້ພຣະຈິດນັ້ນໂຜດໃຫ້ຂ້າພະເຈົ້າຕິດໃຈໃນທາງທ່ຽງທຳ ແລະຊື່ນຊົມຍິນດີຮັບຄວາມທຸເລົາຈາກພຣະອົງສະເໝີ ເດຊະພຣະກຣິສໂຕເຈົ້າພຣະເຈົ້າຂອງຂ້າພະເຈົ້າທັງຫຼາຍ. ສາທຸ.
ບົດເທວະດາແຈ້ງຂ່າວ
ກໍ່: ເທວະດາພຣະເຈົ້າລົງມາແຈ້ງຂ່າວໃຫ້ພຣະນາງມາຣິອາ,
ຮັບ: ແລະພຣະນາງໄດ້ຊົງຄັນດ້ວຍຣິດພຣະຈິດ.
- ຈຳເຣີນດີພຣະນາງມາຣີອາ ຜູ້ພຣະຄຸນເຕັມພຽບພຣະເຈົ້າຢູ່ນຳ…
ກໍ່: ຂ້າພະເຈົ້າເປັນສາວໃຊ້ຂອງພຣະເຈົ້າ,
ຮັບ: ຂໍໃຫ້ເປັນໄປໃນຂ້າພະເຈົ້າຕາມຄວາມເວົ້າຂອງທ່ານເທີ້ນ.
- ຈຳເຣີນດີພຣະນາງມາຣີອາ ຜູ້ພຣະຄຸນເຕັມພຽບພຣະເຈົ້າຢູ່ນຳ…
ກໍ່ : ແລະພຣະວາຈາເຈົ້າໄດ້ເກີດເປັນມະນຸດ,
ຮັບ: ແລະໄດ້ສະຖິດຢູ່ນຳເຮົາທັງຫຼາຍ.
- ຈຳເຣີນດີພຣະນາງມາຣີອາ ຜູ້ພຣະຄຸນເຕັມພຽບພຣະເຈົ້າຢູ່ນຳ…
ກໍ່: ໂອມານດາພຣະເຈົ້າ ຂໍອ້ອນວອນຊ່ວຍເຮົາເທີ້ນ,
ຮັບ: ເພື່ອໃຫ້ສົມໄດ້ຮັບສິ່ງພຣະກຣິສໂຕໄດ້ສັນຍາໄວ້.
ໂອພຣະເຈົ້າ ເມື່ອເທວະດາໄດ້ມາແຈ້ງຂ່າວ ຂ້າພະເຈົ້າຈຶ່ງຮູ້ວ່າພຣະກຣິສໂຕພຣະບຸດພຣະອົງໄດ້ບັງເກີດເປັນມະນຸດ. ຂໍທານໃຫ້ພຣະຄຸນຂອງພຣະອົງເຂົ້າມາໃນຈິດໃຈຂອງຂ້າພະເຈົ້າ, ເພື່ອໃຫ້ໄດ້ກັບເປັນຄືນມາຮຸ່ງເຮື່ອງ ຍ້ອນອາໄສມະຫາທໍຣະມານແລະກາງເຂນຂອງພຣະອົງ. ເດຊະພຣະກຣິດສໂຕເຈົ້າ ພຣະເຈົ້າຂອງຂ້າພະເຈົ້າທັງຫຼາຍ. ສາທຸ.
ບົດນາງພຣະຍາສະຫວັນ
ກໍ່: ນາງພຣະຍາສະຫວັນ ເຊີນຍິດດີເຖີດ ອັນເລລູຢາ.
ຮັບ: ຍ້ອນວ່າຜູ້ພຣະນາງໄດ້ຊົງຄັນ ອັນເລລູຢາ.
ກໍ່: ໄດ້ກັບຄືນຊີບດັ່ງພຣະອົງໄດ້ກ່າວໄວ້ ອັນເລລູຢາ.
ຮັບ: ຂໍພຣະນາງອ້ອນວອນພຣະເຈົ້າຊ່ວຍເຮົາ ອັນເລລູຢາ.
ກໍ່: ໂອພຣະນາງພົມມະຈາຣິມາຣິອາ,ເຊີນຍິນດີເຖີດ,ອັນເລລູຢາ.
ຮັບ: ຍ້ອຍວ່າພຣະເຈົ້າໄດ້ກັບຄືນຊີບຈິງແທ້ ອັນເລລູຢາ.
ໂອພຣະເຈົ້າ ພຣະອົງໄດ້ກະຣຸນາໃຫ້ໂລກຊື່ນຊົມຍິນດີ ຍ້ອນພຣະບຸດພຣະອົງ ພຣະເຈົ້າຂອງຂ້າພະເຈົ້າທັງຫຼາຍ ໄດ້ກັບຄືນຊີບ, ອາໄສຄຳສະເໜີຂອງພຣະມານດາພົມມະຈາຣິມາຣິອາ ໂຜດໃຫ້ພວກຂ້າພະເຈົ້າໄດ້ຊື່ນຊົມຍິນດີໃນຊີວິດນິຣັນດອນ, ເດຊະພຣະ ກຣິສໂຕເຈົ້າ ພຣະເຈົ້າຂອງຂ້າພະເຈົ້າທັງຫຼາຍ. ສາທຸ.
ບົດນົບໄຫວ້
ໂອພຣະຕຣີເອການຸພາບ ພຣະເຈົ້າດຽວເປັນສາມພຣະອົງ ຂ້າພະເຈົ້າເຊື່ອວ່າພຣະອົງຢູ່ນີ້ຈິງແທ້ ຂ້າພະເຈົ້າຂາບລົງນົບໄຫວ້ ຂໍຖະຫວາຍຄວາມນັບຖືອັນສົມມີຕໍ່ພຣະອົງ ພຣະເຈົ້າສູງສຸດ. ສາທຸ.
ບົດຍ້ອງຍໍ
ສີມຸງຄຸນໃຫ້ພຣະບິດາແລະພຣະບຸດແລະພຣະຈິດ ຄືແຕ່ດັ່ງເດີນດຽວນີ້ແລະສະເໝີໄປ. ສະທຸ.
ບົດສົມມະນາຄຸນ
ໂອພຣະເຈົ້າ ຂ້າພະເຈົ້າຂໍສົມມະນາພຣະຄຸນພຣະອົງ ຍ້ອນບຸນຄຸນຕ່າງໆ ຊຶ່ງພຣະອົງໄດ້ທານໃຫ້ຂ້າພະເຈົ້າຈົນເທົ້າວັນນີ້ ເປັນຕົ້ນພຣະອົງໄດ້ສ້າງຂ້າພະເຈົ້າມາ ໃຫ້ພຣະບຸດລົງມາກູ້ໄຖ່ ແລະກະຣຸນາເລືອກຂ້າພະເຈົ້າໃຫ້ເປັນກຣິສຕັງ ເປັນລູກຂອງພຣະອົງແລະຂອງພຣະກຣິສຕະຈັກ. ສາທຸ.
ບົດຝາກຝັງ
ໂອພຣະເຈົ້າຜູ້ຊົງຣິດທານຸພາບ ພຣະອົງໄດ້ກາຣຸນາໃຫ້ຂ້າພະເຈົ້າມີຊີວິດມາຮອດເຊົ້າວັນນີ້ ຂໍຊ່ວຍຂ້າພະເຈົ້າຢ່າໃຫ້ເຮັດບາບຜິດຕໍ່ພຣະອົງເລີຍແຕ່ຈົ່ງແນບນຳຄວາມຄິດຄວາມເວົ້າ ແລະວຽກການທຸກຢ່າງຂອງຂ້າພະເຈົ້າ ໃຫ້ເປັນໄປຕາມນ້ຳພຣະໄທພຣະອົງສະໝີເທີ້ນ ເດຊະພຣະກຣິດສໂຕເຈົ້າ ພຣະເຈົ້າຂອງຂ້າພະເຈົ້າທັງຫຼາຍ. ສາທຸ.
ບົດຂໍແມ່ພຣະແລະນັກບຸນ
ໂອພຣະມານດານາຣີອາແລະນັກບຸນທັງຫຼາຍ ຂໍອ້ອນວອນພຣະເຈົ້າ ໃຫ້ຂ້າພະເຈົ້າສົມໄດ້ຮັບຄວາມຊ່ວຍເຫຼືອຈາກພຣະອົງ ຜູ້ເປັນພຣະເຈົ້າດຳຣົງຊີວິດແລະສະເຫວີຍຣາດສະເໝີ. ສາທຸ.
ບົດໂອພຣະບິດາຂອງຂ້າພະເຈົ້າທັງຫຼາຍ
ໂອພຣະບິດາຂອງຂ້າພະເຈົ້າທັງຫຼາຍ ພຣະອົງຢູ່ສະຫວັນ ຂໍໃຫ້ພຣະນາມຮຸ່ງເຮືອງໄປ ເມືອງພຣະອົງໃຫ້ມາເຖິງ ໃຫ້ໄດ້ຕາມນ້ຳພຣະໄທໃນແຜ່ນດິນຄືໃນສະຫວັນ.
ອາຫານປະຈຳວັນ ຂໍທານໃຫ້ໃນວັນນີ້ ຂໍໂຜດຜິດໃຫ້ພວກຂ້າພຣະເຈົ້າ ຄືພວກຂ້າພະເຈົ້າໂຜດໃຫ້ເຂົາ ຂໍຢ່າປະພວກຂ້າພະເຈົ້າໃນຍາມຖືກຫຼອກລວງ ແຕ່ໃຫ້ພົ້ນຈາກຄວາມຊົ່ວຮ້າຍເທີ້ນ.
ສາທຸ.
ບົດຈຳເຣີນດີພຣະນາງມາຣີອາ
ຈຳເຣີນດີພຣະນາງມາຣີອາ ຜູ້ພຣະຄຸນເຕັມພຽບພຣະເຈົ້າຢູ່ນຳ ພຣະນາງມີບຸນລື່ນຍິງໃດໆ ແລະພຣະເຢຊູບຸດອຸທອນພຣະນາງເປັນເຈົ້າຈອມບຸນ.
ສັນຕະມາຣີອາມານດາພຣະເຈົ້າ ຂໍອ້ອນວອນຊ່ວຍເຮົາຄົນບາບ ດຽວນີ້ແລະເມື່ອຈະຕາຍ. ສາທຸ.
ບົດຂ້າພະເຈົ້າເຊື່ອເຖິງພຣະເປັນເຈົ້າ
ຂ້າພະເຈົ້າເຊື່ອເຖິງພຣະເປັນເຈົ້າ ພຣະບິດາມີຣິດທຸກຢ່າງ ຜູ້ສ້າງຟ້າແລະແຜ່ນດິນ ເຊື່ອເຖິງພຣະມະຫາເຢຊູກຣິສໂຕພຣະເຈົ້າຂອງເຮົາ ພຣະບຸດແຕ່ອົງດຽວຂອງພຣະບິດາ ປະຕິສົນດ້ວຍຣິດພຣະຈິດ ບັງເກີດນຳພຣະນາງພົມມະຈາຣີມາຣີອາ ສະໄໝພະຍາປີລາໂຕ ໄດ້ຖືກທໍຣະມານຄຶງໃສ່ກາງເຂນ ຕາຍແລະຝັງໄວ້ລົງໄປບາດານ ວັນທີສາມກັບເປັນຄືນມາ ສະເດັດຂຶ້ນສະຫວັນ ນັ່ງຢູ່ເບື້ອງຂວາພຣະເຈົ້າພຣະບິດາມີຣິດທຸກຢ່າງ ແລ້ວຍັງຈະສະເດັດລົງມາຕັດສິນຜູ້ເປັນແລະຜູ່ຕາຍ. ຂ້າພະເຈົ້າເຊື່ອເຖິງພຣະຈິດ ເຊື່ອພຣະກຣິສຕະຈັກສັກສິດສາກົນ ເຊື່ອຄວາມສຳພັນລະຫວ່າງຄົນບຸນ ເຊື່ອມີການໂຜດບາບ ເຊື່ອວ່າກາຍຈະກັບເປັນຄືນມາ ເຊື່ອມີຊີວິດນີຣັນດອນ. ສາທຸ.
ບົດສຳແດງຄວາມເຊື່ອ
ໂອພຣະເຈົ້າ ຂ້າພະເຈົ້າເຊື່ອຄວາມຈິງທຸກຂໍ້ ອັນພຣະອົງໄດ້ໄຂສຳແດງແລະພຣະກຣິສຕະຈັກບອກໃຫ້ເຊື່ອນັ້ນ ທັງນີ້ຍ້ອນວ່າພຣະອົງຫຼົງບໍ່ໄດ້ຕົວະບໍ່ເປັນນັ້ນແລ. ສາທຸ.
ບົດສຳແດງຄວາມໄວ້ໃຈ
ໂອພຣະເຈົ້າ ຂ້າພະເຈົ້າໄວ້ໃຈແນ່ວ່າ ເດຊະພຣະປາຣະມີຂອງພຣະເຢຊູເຈົ້າ ພຣະອົງຈະທານພຣະຄຸນຊ່ວຍຂ້າພະເຈົ້າໃນໂລກນີ້ ແລະຄວາມສຸກນິຣັນດອນໃນສະຫວັນດ້ວຍ ຍ້ອນວ່າພຣະອົງໄດ້ສັນຍາໄວ້ ແລະພຣະອົງສັດຊື່ຖືຕາມສັນຍາສະເໝີ. ສາທຸ.
ບົດສຳແດງຄວາມຮັກ
ໂອພຣະເຈົ້າ ຂ້າພະເຈົ້າຮັກພຣະອົງລື່ນສິ່ງທັງຫຼາຍ ຍ້ອນພຣະອົງເປັນຍອດຄວາມດີແລະສົມຮັກຈິງແທ້ແຕ່ຜູ້ດຽວ ແລະຍ້ອນຮັກພຣະອົງນີ້ຂ້າພະເຈົ້າຈຶ່ງຮັກມະນຸດທຸກຄົນ ຄືຮັກຕົວຂ້າພະເຈົ້າເອງ. ສາທຸ.
ບົດສຳແດງຄວາມທຸກ
ໂອພຣະເຈົ້າ ຂ້າພະເຈົ້າອຸກທຸກໃຈໄດ້ທຳບາບ ຍ້ອນວ່າບາບເປັນສິ່ງຜິດໃຈພຣະອົງ ຜູ້ຍອດຄວາມດີແລະສົມຮັກຈິງແທ້ແຕ່ຜູ້ດຽວ ບັດນີ້ອາໄສພຣະຄຸນພຣະອົງຊ່ວຍ ຂ້າພະເຈົ້າຕັ້ງໃຈຈະບໍ່ທຳບາບອີກຕໍ່ໄປ ແລະຈະອົດສາໃຊ້ໂທດຈົນຮອດວັນຕາຍ.ສາທຸ.
ບົດໂອພຣະນາງພົມມະຈາຣີມາຣີອາ
ໂອພຣະນາງພົມມະຈາຣີມາຣີອາ ຜູ້ເມດຕາກະຣຸນາລົ້ນເຫຼືອ ຂໍໄດ້ລຳລຶກວ່າ ແຕ່ໃດມາບໍ່ເຄີຍໄດ້ຍິນຜູ້ໃດແລ່ນມາເພິ່ງແມ່ ຂໍແມ່ເອື້ອເຟື້ອຂໍແມ່ຊ່ວຍເຫຼືອ ແລະແມ່ໄດ້ປະຖິ້ມ ຍ້ອນໄວ້ໃຈດັ່ງນີ້ ໂອແມ່ຍອດພົມມະຈາຣີທັງຫຼາຍ ພວກລູກຄົນບາບຈຶ່ງຮ້ອງໄຫ້ແລ່ນມາຫາແມ່ ໂອແມ່ຂອງພຣະບຸດເຈົ້າເອີຍ ຂໍຢ່າໄດ້ເສີຍເລີຍຕໍ່ຄຳອ້ອນວອນຂອງພວກລູກ ແຕ່ຂໍໄດ້ຮັບຟັງແລະທານໃຫ້ພວກລູກດ້ວຍເທີ້ນ. ສາທຸ.
ບົດໂອພຣະນາງເຈົ້າ
ໂອພຣະນາງເຈົ້າ ໂອແມ່ຮັກສຸດໃຈ ລູກຂໍຖະຫວາຍທຸກສິ່ງໃຫ້ແມ່ ແລະເພື່ອສຳແດງວ່າລູກເປັນຂອງໆແມ່ຈິງແທ້ ຊຶ່ງໃນວັນນີ້ ລູກຂໍມອບຖະຫວາຍກາຍໃຈແລະໝົດຕົນຕົວລູກໃຫ້ແມ່ ໂອແມ່ໃຈດີເອີຍ ຍ້ອນລູກເປັນຂອງໆແມ່ແລ້ວ ຂໍແມ່ປ້ອງກັນຮັກສາລູກໄວ້ ຄືຊັບສິນຂອງແມ່ເອງເທີ້ນ. ສາທຸ.
ບົດໂອນັກບຸນຢໍແຊ
ໂອນັກບຸນຢໍແຊ ບິດາແລະຜູ້ຮັກສາພວກພົມມະຈາຣີທັງຫຼາຍພຣະເຈົ້າໄດ້ມອບໃຫ້ທ່ານເບິ່ງແຍງພຣະເຢຊູເຈົ້າ ແລະພຣະນາງມາຣີອາພົມມະຈາຣີ ແລະທ່ານໄດ້ຖືໜ້າທີ່ນີ້ດີຄົບຖ້ວນ ເຫັນແກ່ພຣະເຢຊູເຈົ້າແລະພຣະນາງມາຣີອາ ຂອງຝາກຍອດຮັກຂອງທ່ານ ໂຜດຊ່ວຍພວກເຮົາໃຫ້ພົ້ນຄວາມເປື້ອນໝອງ ມີກາຍໃຈໃສສະອາດ ເພື່ອຈະໄດ້ບົວລະບັດພຣະເຢຊູເຈົ້າແລະພຣະນາງມາຣີອາ ດ້ວຍຊື່ສັດສຸດຈະຣິດສະເໝີເທີ້ນ. ສາທຸ.
ບົດໂອເທວະດາຜູ້ຮັກສາ
ໂອເທວະດາຜູ້ຮັກສາຂ້າພະເຈົ້າ ຂ້າພະເຈົ້າຂໍມອບກາຍຖະຫວາຍວິນຍານໄວ້ນຳທ່ານຂໍທ່ານສ່ອງສະຫວ່າງຄຸ້ມຄອງຮັກສາ ແລະແນບນຳຂ້າພະເຈົ້າໃນທາງສະຫວັນສະເໝີເທີ້ນ. ສາທຸ.
ບົດໂອພຣະເຈົ້າດຳຣົງນິຣັນດອນ
ໂອພຣະເຈົ້າຜູ້ຊົງຣິດທານຸພາບແລະດຳຣົງນິຣັນດອນ ພຣະອົງບໍ່ປາດຖະໜາໃຫ້ຄົນບາບຈິບຫາຍ ແຕ່ມຸ່ງໝາຍໃຫ້ທຸກຄົນໄດ້ສະຫວັນ ຂໍໂຜດໃຫ້ຄົນຮີດນອກທັງຫຼາຍປະຖິ້ມຜີສາງແລະພຣະເທັດທຽມຕ່າງໆ. ມາທ້ອນໂຮມຢູ່ໃນພຣະກຣິສຕະຈັກ ເພື່ອຍ້ອງຍໍສໍຣະເສີນພຣະນາມຂອງພຣະອົງ ເດຊະພຣະກຣິສໂຕເຈົ້າພຣະເຈົ້າຂອງຂ້າພະເຈົ້າທັງຫຼາຍ. ສາທຸ.
ບົດພາວະນາອຸທິດ
ໂອພຣະເຈົ້າຜູ້ຊົງຣິດທານຸພາບແລະດຳຣົງນິຣັນດອນ ຂໍອວຍພອນແລະທານພຣະຄຸນໃຫ້ພຣະສັນຕະປາປາ ພຣະສັງຄະຣາດ ພຣະສົງ ນັກບວດຊາຍຍິງ ປະເທດຊາດອາດຍາສິດ ພໍ່ແມ່ພີ່ນ້ອງໝູ່ກອງແລະສັດຕູ ກັບທຸກຄົນທີ່ຕ້ອງການຄຳພາວະນາຂອງຂ້າພະເຈົ້າ ຂໍໃຫ້ເຂົາໄດ້ເດີນໃນທາງສະຫວັນ ນອກນັ້ນຍັງຂໍຊ່ວຍວິນຍານໃນໄຟຊຳຣະໃຫ້ພົ້ນໂທດ ໄດ້ຂຶ້ນສະຫວັນຢູ່ສຸກສຳຣານເທີ້ນ. ສາທຸ.
ພຣະບັນຢັດພຣະເປັນເຈົ້າ
ປະການ 1: ຕ້ອງນົບໄຫວ້ບູຊາພຣະຜູ້ສ້າງ ຖືເປັນພຣະເຈົ້າທ່ຽງແທ້ແຕ່ຜູ້ດຽວ.
ປະການ 2: ຢ່າສາບານອອກຊື່ພຣະເຈົ້າໂດຍບໍ່ມີເຫດຈຳເປັນ.
ປະການ 3: ໃຫ້ຖືວັນພຣະເຈົ້າເປັນວັນສັກສິດ.
ປະການ 4: ໃຫ້ນັບຖືບິດາມານດາ.
ປະການ 5: ຢ່າຂ້າຄົນ.
ປະການ 6: ຢ່າເຮັດຊົ່ວອຸລະມົກ.
ປະການ 7: ຢ່າລັກຂອງເຂົາ.
ປະການ 8: ຢ່າຕົວະຢ່າໃສ່ຄວາມເຂົາ.
ປະການ 9 : ຢ່າຄິດຢ່າປາດຖະໜາຄວາມຊົ່ວອຸລາມົກ.
ປະການ 10: ຢ່າຄິດຢາກລັກຂອງເຂົາ.
ພຣະບັນຢັດພຣະກຣິສຕະຈັກ
ປະການ 1: ໃຫ້ສະຫຼອງທຸກວັນພຣະເຈົ້າຊຶ່ງພຣະກຣິສຕະຈັກກຳນົດ.
ປະການ 2: ໃຫ້ຟັງມິສຊາແລະຢ່າເຮັດວຽກໜັກໃນວັນພຣະເຈົ້າ.
ປະການ 3: ໃຫ້ແກ້ບາບຢ່າງໜ້ອຍປີລະເທື່ອ.
ປະການ 4: ໃຫ້ຮັບສິນມະຫາສະໜິດຢ່າງໜ້ອຍປີລະເທື່ອໃນກຳນົດປາສກາ.
ປະການ 5: ໃຫ້ອົດອາຫານໃນວັນກຳນົດ.
ປະການ 6: ໃຫ້ສ້າງບຸນທຳທານ ແລະເຮັດການໃຊ້ໂທດບາບ.
ບົດຣິດກຸສົນ 7 ປະການ
ປະການ 1: ໃຫ້ມີໃຈສຸພາບອ່ອນນ້ອມ ຢ່າຈອງຫອງອົ່ງອວດ.
ປະການ 2: ໃຫ້ມີໃຈກວ້າງຂວາງເຜື່ອແພ່ ຢ່າຂີ້ຖີ່ຮ່ຳໄຮ.
ປະການ 3: ໃຫ້ຮັກສາກາຍໃຈກ້ຽງໃສບໍລິສຸດຢ່າມີໃຈຊົ່ວຊ້າລາມົກ.
ປະການ 4: ໃຫ້ມີໃຈມັດທະຍັດ ຢ່າໂລບມາກໂລພາ.
ປະການ 5: ໃຫ້ຮັກແພງມະນຸດທຸກຄົນຍ້ອນເຫັນແກ່ພຣະເປັນເຈົ້າ.
ປະການ 6: ໃຫ້ມີໃຈອົດພຽນທຸ່ມທ່ຽງ ຢ່າໂມໂຫໂກດຮ້າຍ.
ປະການ 7: ໃຫ້ດຸໝັ່ນຕໍ່ໜ້າທີ່ພະນັກງານຂອງຕົນຢ່າກຽດຄ້ານ.
ບົດບຸນມະຫາລາບ 8 ປະການ
ປະການ 1: ບຸນມະຫາລາບແກ່ຜູ້ມີໃຈຍາກຈົນ,
ດ້ວຍວ່າອານາຈັກສະຫວັນເປັນຂອງໆເຂົາ.
ປະການ 2: ບຸນມະຫາລາບແກ່ຜູ້ມີໃຈອ່ອນຫວານ,
ດ້ວຍວ່າຈະໄດ້ຮັບແຜ່ນດິນມາເປັນສ່ວນມໍລະດົກ.
ປະການ 3: ບຸນມະຫາລາບແກ່ຜູ້ໄດ້ຮັບຄວາມທຸກຮ້ອນ,
ດ້ວຍວ່າຈະໄດ້ຮັບຄວາມທຸເລົາບັນເທົາ.
ປະການ 4: ບຸນມະຫາລາບແກ່ຜູ້ຫອດຫິວຄວາມຍຸຕິທຳ,
ດ້ວຍວ່າຈະໄດ້ອີ່ມໜຳສຳຣານ.
ປະການ 5: ບຸນມະຫາລາບແກ່ຜູ້ມີໃຈເອັນດູກະຣຸນາ,
ດ້ວຍວ່າຈະໄດ້ຮັບຄວາມເອັນດູກະຣຸນາຕອບແທນ.
ປະການ 6: ບຸນມະຫາລາບແກ່ຜູ້ມີໃຈບໍລິສຸດ,
ດ້ວຍວ່າຈະໄດ້ເຫັນພຣະເປັນເຈົ້າ.
ປະການ 7: ບຸນມະຫາລາບແກ່ຜູ້ສ້າງຄວາມສັນຕິ,
ດ້ວຍຈະໄດ້ຊື່ວ່າເປັນບຸດຂອງພຣະເຈົ້າ.
ປະການ8: ບຸນມະຫາລາບແກ່ຜູ້ຖືກບັງບຽດຍ້ອນຄວາມຍຸຕິທຳ,
ດ້ວຍວ່າອານາຈັກສະຫວັນເປັນຂອງໆເຂົາ.
ເມດຕາກະຣຸນາຕໍ່ກາຍຜູ້ອື່ນມີ 7 ຢ່າງ
1. ທານອາຫານແກ່ຜູ້ອຶດຢາກ.
2. ທານເຄື່ອງນຸ່ງແກ່ຜູ້ຂາດເຂີນ.
3. ລ້ຽງລູກກຳພ້າ.
4. ຢ້ຽມຢາມຄົນເຈັບປ່ວຍ.
5. ຢ້ຽມຢາມຜູ້ຖືກກັກຂັງ.
6. ໃຫ້ແຂກພັກເຊົາເຮືອນ.
7. ຝັງສົບຄົນຕາຍ.
ເມດຕາກະລຸນາຕໍ່ວິນຍານຜູ້ອື່ນມີ 7 ຢ່າງ
1. ຕຸກເຕືອນຄົນບາບໃຫ້ໄປໃນທາງດີ.
2. ແຜ່ພຣະທຳຂອງພຣະເຢຊູເຈົ້າ.
3. ຊ່ວຍສອນຄຳສອນ.
4. ບັນເທົາຜູ້ໂສກເສົ້າເຫງົາໃຈ.
5. ຍົກໂທດໂຜດຜິດໃຫ້ຜູ້ອື່ນ.
6. ອົດທົນຄວາມຜິດຂອງຜູ້ອື່ນ.
7. ສວດອຸທິດໃຫ້ຜູ້ເປັນແລະຜູ້ຕາຍ.
ບົດເຢຊູມາຣີອາຢໍແຊ
ເຢຊູ ມາຣີອາ ຢໍແຊ ຂ້າພະເຈົ້າຂໍຖະຫວາຍດວງໃຈວິນຍານໃຫ້ທ່ານ.
ເຢຊູ ມາຣີອາ ຢໍແຊ ຂໍຢູ່ເຝົ້າຂ້າພະເຈົ້າໃນຍາມໃກ້ຈະຕາຍ.
ເຢຊູ ມາຣີອາ ຢໍແຊ ຂໍໃຫ້ຂ້າພະເຈົ້າໄດ້ຕາຍແລະຮ່ວມສຸກກັບທ່ານດ້ວຍເທີ້ນ.
ບົດໂອພຣະມານດາ
ໂອພຣະມານດາ, ພວກລູກແລ່ນມາເພິ່ງແມ່, ຂໍແມ່ຢ່າເສີຍຕໍ່ຄຳອ້ອນວອນຂອງລູກໃນຍາມຂັດສົນ, ແຕ່ຂໍຊ່ວຍພົ້ນກັນດານອັນຕະລາຍທັງຫຼາຍສະເໝີເທີ້ນ, ໂອພົມມະຈາຣີຮຸ່ງເຮືອງເຫຼື້ອມໃສແລະຊອບໃຈພຣະເຈົ້າເອີຍ.
ກໍ່: ດວງພຣະໄທສັກສິດຂອງພຣະເຢຊູເຈົ້າ.
ຮັບ: ເມດຕາພວກຂ້າພະເຈົ້າເທີ້ນ.
ກໍ່: ດວງພຣະໄທບໍຣິສຸດແມ່ມາຣີອາ.
ຮັບ: ອ້ອນວອນຊ່ວຍເຮົາເທີ້ນ.
ກໍ່: ນັກບຸນຢໍແຊ.
ຮັບ: ອ້ອນວອນຊ່ວຍເຮົາເທີ້ນ.
ກໍ່: ນັກບຸນ (ອຸປະຖຳວັດ)…
ຮັບ: ອ້ອນວອນຊ່ວຍເຮົາເທີ້ນ.
ເດຊະພຣະນາມພຣະບິດາແລະພຣະບຸດ ແລະພຣະຈິດ.ສາທຸ.
ເດຊະພຣະນາມພຣະບິດາ ແລະພຣະບຸດ ແລະພຣະຈິດ. ສາທຸ.
ກໍ່: ເຊີນສະເດັດມາໂອພຣະຈິດເຈົ້າ,
ຮັບ: ເຊີນເຂົ້າມາຢູ່ໃນໃຈພວກສັດຕະບຸຣຸດ ແລະເຜົາໃຈນັ້ນໃຫ້ຮ້ອນຮັກພຣະອົງ ຂໍໃຊ້ພຣະຈິດພຣະອົງລົງມາແລະສິ່ງທັງປວງກຳຈະຖືກສ້າງຂຶ້ນມາແລ້ວພຣະອົງຈະຟື້ນຟູແຜ່ນດິນຂຶ້ນໃໝ່.
ໂອພຣະເຈົ້າ ພຣະອົງໄດ້ສອນໃຈພວກສັດຕະບຸຣຸດດ້ວຍຄວາມສະຫວ່າງຂອງພຣະຈິດ ຂໍໃຫ້ພຣະຈິດນັ້ນໂຜດໃຫ້ຂ້າພະເຈົ້າຕິດໃຈໃນທາງທ່ຽງທຳ ແລະຊື່ນຊົມຍິນດີຮັບຄວາມທຸເລົາຈາກພຣະອົງສະເໝີ ເດຊະພຣະກຣິສໂຕເຈົ້າພຣະເຈົ້າຂອງຂ້າພະເຈົ້າທັງຫຼາຍ. ສາທຸ.
ກໍ່: ເທວະດາພຣະເຈົ້າລົງມາແຈ້ງຂ່າວໃຫ້ພຣະນາງມາຣິອາ,
ຮັບ: ແລະພຣະນາງໄດ້ຊົງຄັນດ້ວຍຣິດພຣະຈິດ.
- ຈຳເຣີນດີພຣະນາງມາຣີອາ ຜູ້ພຣະຄຸນເຕັມພຽບພຣະເຈົ້າຢູ່ນຳ…
ກໍ່: ຂ້າພະເຈົ້າເປັນສາວໃຊ້ຂອງພຣະເຈົ້າ,
ຮັບ: ຂໍໃຫ້ເປັນໄປໃນຂ້າພະເຈົ້າຕາມຄວາມເວົ້າຂອງທ່ານເທີ້ນ.
- ຈຳເຣີນດີພຣະນາງມາຣີອາ ຜູ້ພຣະຄຸນເຕັມພຽບພຣະເຈົ້າຢູ່ນຳ…
ກໍ່ : ແລະພຣະວາຈາເຈົ້າໄດ້ເກີດເປັນມະນຸດ,
ຮັບ: ແລະໄດ້ສະຖິດຢູ່ນຳເຮົາທັງຫຼາຍ.
- ຈຳເຣີນດີພຣະນາງມາຣີອາ ຜູ້ພຣະຄຸນເຕັມພຽບພຣະເຈົ້າຢູ່ນຳ…
ກໍ່: ໂອມານດາພຣະເຈົ້າ ຂໍອ້ອນວອນຊ່ວຍເຮົາເທີ້ນ,
ຮັບ: ເພື່ອໃຫ້ສົມໄດ້ຮັບສິ່ງພຣະກຣິສໂຕໄດ້ສັນຍາໄວ້.
ໂອພຣະເຈົ້າ ເມື່ອເທວະດາໄດ້ມາແຈ້ງຂ່າວ ຂ້າພະເຈົ້າຈຶ່ງຮູ້ວ່າພຣະກຣິສໂຕພຣະບຸດພຣະອົງໄດ້ບັງເກີດເປັນມະນຸດ. ຂໍທານໃຫ້ພຣະຄຸນຂອງພຣະອົງເຂົ້າມາໃນຈິດໃຈຂອງຂ້າພະເຈົ້າ, ເພື່ອໃຫ້ໄດ້ກັບເປັນຄືນມາຮຸ່ງເຮື່ອງ ຍ້ອນອາໄສມະຫາທໍຣະມານແລະກາງເຂນຂອງພຣະອົງ. ເດຊະພຣະກຣິດສໂຕເຈົ້າ ພຣະເຈົ້າຂອງຂ້າພະເຈົ້າທັງຫຼາຍ. ສາທຸ.
ກໍ່: ນາງພຣະຍາສະຫວັນ ເຊີນຍິດດີເຖີດ ອັນເລລູຢາ.
ຮັບ: ຍ້ອນວ່າຜູ້ພຣະນາງໄດ້ຊົງຄັນ ອັນເລລູຢາ.
ກໍ່: ໄດ້ກັບຄືນຊີບດັ່ງພຣະອົງໄດ້ກ່າວໄວ້ ອັນເລລູຢາ.
ຮັບ: ຂໍພຣະນາງອ້ອນວອນພຣະເຈົ້າຊ່ວຍເຮົາ ອັນເລລູຢາ.
ກໍ່: ໂອພຣະນາງພົມມະຈາຣິມາຣິອາ,ເຊີນຍິນດີເຖີດ,ອັນເລລູຢາ.
ຮັບ: ຍ້ອຍວ່າພຣະເຈົ້າໄດ້ກັບຄືນຊີບຈິງແທ້ ອັນເລລູຢາ.
ໂອພຣະເຈົ້າ ພຣະອົງໄດ້ກະຣຸນາໃຫ້ໂລກຊື່ນຊົມຍິນດີ ຍ້ອນພຣະບຸດພຣະອົງ ພຣະເຈົ້າຂອງຂ້າພະເຈົ້າທັງຫຼາຍ ໄດ້ກັບຄືນຊີບ, ອາໄສຄຳສະເໜີຂອງພຣະມານດາພົມມະຈາຣິມາຣິອາ ໂຜດໃຫ້ພວກຂ້າພະເຈົ້າໄດ້ຊື່ນຊົມຍິນດີໃນຊີວິດນິຣັນດອນ, ເດຊະພຣະ ກຣິສໂຕເຈົ້າ ພຣະເຈົ້າຂອງຂ້າພະເຈົ້າທັງຫຼາຍ. ສາທຸ.
ໂອພຣະຕຣີເອການຸພາບ ພຣະເຈົ້າດຽວເປັນສາມພຣະອົງ ຂ້າພະເຈົ້າເຊື່ອວ່າພຣະອົງຢູ່ນີ້ຈິງແທ້ ຂ້າພະເຈົ້າຂາບລົງນົບໄຫວ້ ຂໍຖະຫວາຍຄວາມນັບຖືອັນສົມມີຕໍ່ພຣະອົງ ພຣະເຈົ້າສູງສຸດ. ສາທຸ.
ສີມຸງຄຸນໃຫ້ພຣະບິດາແລະພຣະບຸດແລະພຣະຈິດ ຄືແຕ່ດັ່ງເດີນດຽວນີ້ແລະສະເໝີໄປ. ສະທຸ.
ໂອພຣະເຈົ້າ ຂ້າພະເຈົ້າຂໍສົມມະນາພຣະຄຸນພຣະອົງ ຍ້ອນບຸນຄຸນຕ່າງໆ ຊຶ່ງພຣະອົງໄດ້ທານໃຫ້ຂ້າພະເຈົ້າຈົນເທົ້າວັນນີ້ ເປັນຕົ້ນພຣະອົງໄດ້ສ້າງຂ້າພະເຈົ້າມາ ໃຫ້ພຣະບຸດລົງມາກູ້ໄຖ່ ແລະກະຣຸນາເລືອກຂ້າພະເຈົ້າໃຫ້ເປັນກຣິສຕັງ ເປັນລູກຂອງພຣະອົງແລະຂອງພຣະກຣິສຕະຈັກ. ສາທຸ.
ໂອພຣະເຈົ້າຜູ້ຊົງຣິດທານຸພາບ ພຣະອົງໄດ້ກາຣຸນາໃຫ້ຂ້າພະເຈົ້າມີຊີວິດມາຮອດເຊົ້າວັນນີ້ ຂໍຊ່ວຍຂ້າພະເຈົ້າຢ່າໃຫ້ເຮັດບາບຜິດຕໍ່ພຣະອົງເລີຍແຕ່ຈົ່ງແນບນຳຄວາມຄິດຄວາມເວົ້າ ແລະວຽກການທຸກຢ່າງຂອງຂ້າພະເຈົ້າ ໃຫ້ເປັນໄປຕາມນ້ຳພຣະໄທພຣະອົງສະໝີເທີ້ນ ເດຊະພຣະກຣິດສໂຕເຈົ້າ ພຣະເຈົ້າຂອງຂ້າພະເຈົ້າທັງຫຼາຍ. ສາທຸ.
ໂອພຣະມານດານາຣີອາແລະນັກບຸນທັງຫຼາຍ ຂໍອ້ອນວອນພຣະເຈົ້າ ໃຫ້ຂ້າພະເຈົ້າສົມໄດ້ຮັບຄວາມຊ່ວຍເຫຼືອຈາກພຣະອົງ ຜູ້ເປັນພຣະເຈົ້າດຳຣົງຊີວິດແລະສະເຫວີຍຣາດສະເໝີ. ສາທຸ.
ໂອພຣະບິດາຂອງຂ້າພະເຈົ້າທັງຫຼາຍ ພຣະອົງຢູ່ສະຫວັນ ຂໍໃຫ້ພຣະນາມຮຸ່ງເຮືອງໄປ ເມືອງພຣະອົງໃຫ້ມາເຖິງ ໃຫ້ໄດ້ຕາມນ້ຳພຣະໄທໃນແຜ່ນດິນຄືໃນສະຫວັນ.
ອາຫານປະຈຳວັນ ຂໍທານໃຫ້ໃນວັນນີ້ ຂໍໂຜດຜິດໃຫ້ພວກຂ້າພຣະເຈົ້າ ຄືພວກຂ້າພະເຈົ້າໂຜດໃຫ້ເຂົາ ຂໍຢ່າປະພວກຂ້າພະເຈົ້າໃນຍາມຖືກຫຼອກລວງ ແຕ່ໃຫ້ພົ້ນຈາກຄວາມຊົ່ວຮ້າຍເທີ້ນ.
ສາທຸ.
ຈຳເຣີນດີພຣະນາງມາຣີອາ ຜູ້ພຣະຄຸນເຕັມພຽບພຣະເຈົ້າຢູ່ນຳ ພຣະນາງມີບຸນລື່ນຍິງໃດໆ ແລະພຣະເຢຊູບຸດອຸທອນພຣະນາງເປັນເຈົ້າຈອມບຸນ.
ສັນຕະມາຣີອາມານດາພຣະເຈົ້າ ຂໍອ້ອນວອນຊ່ວຍເຮົາຄົນບາບ ດຽວນີ້ແລະເມື່ອຈະຕາຍ. ສາທຸ.
ຂ້າພະເຈົ້າເຊື່ອເຖິງພຣະເປັນເຈົ້າ ພຣະບິດາມີຣິດທຸກຢ່າງ ຜູ້ສ້າງຟ້າແລະແຜ່ນດິນ ເຊື່ອເຖິງພຣະມະຫາເຢຊູກຣິສໂຕພຣະເຈົ້າຂອງເຮົາ ພຣະບຸດແຕ່ອົງດຽວຂອງພຣະບິດາ ປະຕິສົນດ້ວຍຣິດພຣະຈິດ ບັງເກີດນຳພຣະນາງພົມມະຈາຣີມາຣີອາ ສະໄໝພະຍາປີລາໂຕ ໄດ້ຖືກທໍຣະມານຄຶງໃສ່ກາງເຂນ ຕາຍແລະຝັງໄວ້ລົງໄປບາດານ ວັນທີສາມກັບເປັນຄືນມາ ສະເດັດຂຶ້ນສະຫວັນ ນັ່ງຢູ່ເບື້ອງຂວາພຣະເຈົ້າພຣະບິດາມີຣິດທຸກຢ່າງ ແລ້ວຍັງຈະສະເດັດລົງມາຕັດສິນຜູ້ເປັນແລະຜູ່ຕາຍ. ຂ້າພະເຈົ້າເຊື່ອເຖິງພຣະຈິດ ເຊື່ອພຣະກຣິສຕະຈັກສັກສິດສາກົນ ເຊື່ອຄວາມສຳພັນລະຫວ່າງຄົນບຸນ ເຊື່ອມີການໂຜດບາບ ເຊື່ອວ່າກາຍຈະກັບເປັນຄືນມາ ເຊື່ອມີຊີວິດນີຣັນດອນ. ສາທຸ.
ໂອພຣະເຈົ້າ ຂ້າພະເຈົ້າເຊື່ອຄວາມຈິງທຸກຂໍ້ ອັນພຣະອົງໄດ້ໄຂສຳແດງແລະພຣະກຣິສຕະຈັກບອກໃຫ້ເຊື່ອນັ້ນ ທັງນີ້ຍ້ອນວ່າພຣະອົງຫຼົງບໍ່ໄດ້ຕົວະບໍ່ເປັນນັ້ນແລ. ສາທຸ.
ໂອພຣະເຈົ້າ ຂ້າພະເຈົ້າໄວ້ໃຈແນ່ວ່າ ເດຊະພຣະປາຣະມີຂອງພຣະເຢຊູເຈົ້າ ພຣະອົງຈະທານພຣະຄຸນຊ່ວຍຂ້າພະເຈົ້າໃນໂລກນີ້ ແລະຄວາມສຸກນິຣັນດອນໃນສະຫວັນດ້ວຍ ຍ້ອນວ່າພຣະອົງໄດ້ສັນຍາໄວ້ ແລະພຣະອົງສັດຊື່ຖືຕາມສັນຍາສະເໝີ. ສາທຸ.
ໂອພຣະເຈົ້າ ຂ້າພະເຈົ້າຮັກພຣະອົງລື່ນສິ່ງທັງຫຼາຍ ຍ້ອນພຣະອົງເປັນຍອດຄວາມດີແລະສົມຮັກຈິງແທ້ແຕ່ຜູ້ດຽວ ແລະຍ້ອນຮັກພຣະອົງນີ້ຂ້າພະເຈົ້າຈຶ່ງຮັກມະນຸດທຸກຄົນ ຄືຮັກຕົວຂ້າພະເຈົ້າເອງ. ສາທຸ.
ໂອພຣະເຈົ້າ ຂ້າພະເຈົ້າອຸກທຸກໃຈໄດ້ທຳບາບ ຍ້ອນວ່າບາບເປັນສິ່ງຜິດໃຈພຣະອົງ ຜູ້ຍອດຄວາມດີແລະສົມຮັກຈິງແທ້ແຕ່ຜູ້ດຽວ ບັດນີ້ອາໄສພຣະຄຸນພຣະອົງຊ່ວຍ ຂ້າພະເຈົ້າຕັ້ງໃຈຈະບໍ່ທຳບາບອີກຕໍ່ໄປ ແລະຈະອົດສາໃຊ້ໂທດຈົນຮອດວັນຕາຍ.ສາທຸ.
ໂອພຣະນາງພົມມະຈາຣີມາຣີອາ ຜູ້ເມດຕາກະຣຸນາລົ້ນເຫຼືອ ຂໍໄດ້ລຳລຶກວ່າ ແຕ່ໃດມາບໍ່ເຄີຍໄດ້ຍິນຜູ້ໃດແລ່ນມາເພິ່ງແມ່ ຂໍແມ່ເອື້ອເຟື້ອຂໍແມ່ຊ່ວຍເຫຼືອ ແລະແມ່ໄດ້ປະຖິ້ມ ຍ້ອນໄວ້ໃຈດັ່ງນີ້ ໂອແມ່ຍອດພົມມະຈາຣີທັງຫຼາຍ ພວກລູກຄົນບາບຈຶ່ງຮ້ອງໄຫ້ແລ່ນມາຫາແມ່ ໂອແມ່ຂອງພຣະບຸດເຈົ້າເອີຍ ຂໍຢ່າໄດ້ເສີຍເລີຍຕໍ່ຄຳອ້ອນວອນຂອງພວກລູກ ແຕ່ຂໍໄດ້ຮັບຟັງແລະທານໃຫ້ພວກລູກດ້ວຍເທີ້ນ. ສາທຸ.
ໂອພຣະນາງເຈົ້າ ໂອແມ່ຮັກສຸດໃຈ ລູກຂໍຖະຫວາຍທຸກສິ່ງໃຫ້ແມ່ ແລະເພື່ອສຳແດງວ່າລູກເປັນຂອງໆແມ່ຈິງແທ້ ຊຶ່ງໃນວັນນີ້ ລູກຂໍມອບຖະຫວາຍກາຍໃຈແລະໝົດຕົນຕົວລູກໃຫ້ແມ່ ໂອແມ່ໃຈດີເອີຍ ຍ້ອນລູກເປັນຂອງໆແມ່ແລ້ວ ຂໍແມ່ປ້ອງກັນຮັກສາລູກໄວ້ ຄືຊັບສິນຂອງແມ່ເອງເທີ້ນ. ສາທຸ.
ໂອນັກບຸນຢໍແຊ ບິດາແລະຜູ້ຮັກສາພວກພົມມະຈາຣີທັງຫຼາຍພຣະເຈົ້າໄດ້ມອບໃຫ້ທ່ານເບິ່ງແຍງພຣະເຢຊູເຈົ້າ ແລະພຣະນາງມາຣີອາພົມມະຈາຣີ ແລະທ່ານໄດ້ຖືໜ້າທີ່ນີ້ດີຄົບຖ້ວນ ເຫັນແກ່ພຣະເຢຊູເຈົ້າແລະພຣະນາງມາຣີອາ ຂອງຝາກຍອດຮັກຂອງທ່ານ ໂຜດຊ່ວຍພວກເຮົາໃຫ້ພົ້ນຄວາມເປື້ອນໝອງ ມີກາຍໃຈໃສສະອາດ ເພື່ອຈະໄດ້ບົວລະບັດພຣະເຢຊູເຈົ້າແລະພຣະນາງມາຣີອາ ດ້ວຍຊື່ສັດສຸດຈະຣິດສະເໝີເທີ້ນ. ສາທຸ.
ໂອເທວະດາຜູ້ຮັກສາຂ້າພະເຈົ້າ ຂ້າພະເຈົ້າຂໍມອບກາຍຖະຫວາຍວິນຍານໄວ້ນຳທ່ານຂໍທ່ານສ່ອງສະຫວ່າງຄຸ້ມຄອງຮັກສາ ແລະແນບນຳຂ້າພະເຈົ້າໃນທາງສະຫວັນສະເໝີເທີ້ນ. ສາທຸ.
ໂອພຣະເຈົ້າຜູ້ຊົງຣິດທານຸພາບແລະດຳຣົງນິຣັນດອນ ພຣະອົງບໍ່ປາດຖະໜາໃຫ້ຄົນບາບຈິບຫາຍ ແຕ່ມຸ່ງໝາຍໃຫ້ທຸກຄົນໄດ້ສະຫວັນ ຂໍໂຜດໃຫ້ຄົນຮີດນອກທັງຫຼາຍປະຖິ້ມຜີສາງແລະພຣະເທັດທຽມຕ່າງໆ. ມາທ້ອນໂຮມຢູ່ໃນພຣະກຣິສຕະຈັກ ເພື່ອຍ້ອງຍໍສໍຣະເສີນພຣະນາມຂອງພຣະອົງ ເດຊະພຣະກຣິສໂຕເຈົ້າພຣະເຈົ້າຂອງຂ້າພະເຈົ້າທັງຫຼາຍ. ສາທຸ.
ໂອພຣະເຈົ້າຜູ້ຊົງຣິດທານຸພາບແລະດຳຣົງນິຣັນດອນ ຂໍອວຍພອນແລະທານພຣະຄຸນໃຫ້ພຣະສັນຕະປາປາ ພຣະສັງຄະຣາດ ພຣະສົງ ນັກບວດຊາຍຍິງ ປະເທດຊາດອາດຍາສິດ ພໍ່ແມ່ພີ່ນ້ອງໝູ່ກອງແລະສັດຕູ ກັບທຸກຄົນທີ່ຕ້ອງການຄຳພາວະນາຂອງຂ້າພະເຈົ້າ ຂໍໃຫ້ເຂົາໄດ້ເດີນໃນທາງສະຫວັນ ນອກນັ້ນຍັງຂໍຊ່ວຍວິນຍານໃນໄຟຊຳຣະໃຫ້ພົ້ນໂທດ ໄດ້ຂຶ້ນສະຫວັນຢູ່ສຸກສຳຣານເທີ້ນ. ສາທຸ.
ປະການ 1: ຕ້ອງນົບໄຫວ້ບູຊາພຣະຜູ້ສ້າງ ຖືເປັນພຣະເຈົ້າທ່ຽງແທ້ແຕ່ຜູ້ດຽວ.
ປະການ 2: ຢ່າສາບານອອກຊື່ພຣະເຈົ້າໂດຍບໍ່ມີເຫດຈຳເປັນ.
ປະການ 3: ໃຫ້ຖືວັນພຣະເຈົ້າເປັນວັນສັກສິດ.
ປະການ 4: ໃຫ້ນັບຖືບິດາມານດາ.
ປະການ 5: ຢ່າຂ້າຄົນ.
ປະການ 6: ຢ່າເຮັດຊົ່ວອຸລະມົກ.
ປະການ 7: ຢ່າລັກຂອງເຂົາ.
ປະການ 8: ຢ່າຕົວະຢ່າໃສ່ຄວາມເຂົາ.
ປະການ 9 : ຢ່າຄິດຢ່າປາດຖະໜາຄວາມຊົ່ວອຸລາມົກ.
ປະການ 10: ຢ່າຄິດຢາກລັກຂອງເຂົາ.
ປະການ 1: ໃຫ້ສະຫຼອງທຸກວັນພຣະເຈົ້າຊຶ່ງພຣະກຣິສຕະຈັກກຳນົດ.
ປະການ 2: ໃຫ້ຟັງມິສຊາແລະຢ່າເຮັດວຽກໜັກໃນວັນພຣະເຈົ້າ.
ປະການ 3: ໃຫ້ແກ້ບາບຢ່າງໜ້ອຍປີລະເທື່ອ.
ປະການ 4: ໃຫ້ຮັບສິນມະຫາສະໜິດຢ່າງໜ້ອຍປີລະເທື່ອໃນກຳນົດປາສກາ.
ປະການ 5: ໃຫ້ອົດອາຫານໃນວັນກຳນົດ.
ປະການ 6: ໃຫ້ສ້າງບຸນທຳທານ ແລະເຮັດການໃຊ້ໂທດບາບ.
ປະການ 1: ໃຫ້ມີໃຈສຸພາບອ່ອນນ້ອມ ຢ່າຈອງຫອງອົ່ງອວດ.
ປະການ 2: ໃຫ້ມີໃຈກວ້າງຂວາງເຜື່ອແພ່ ຢ່າຂີ້ຖີ່ຮ່ຳໄຮ.
ປະການ 3: ໃຫ້ຮັກສາກາຍໃຈກ້ຽງໃສບໍລິສຸດຢ່າມີໃຈຊົ່ວຊ້າລາມົກ.
ປະການ 4: ໃຫ້ມີໃຈມັດທະຍັດ ຢ່າໂລບມາກໂລພາ.
ປະການ 5: ໃຫ້ຮັກແພງມະນຸດທຸກຄົນຍ້ອນເຫັນແກ່ພຣະເປັນເຈົ້າ.
ປະການ 6: ໃຫ້ມີໃຈອົດພຽນທຸ່ມທ່ຽງ ຢ່າໂມໂຫໂກດຮ້າຍ.
ປະການ 7: ໃຫ້ດຸໝັ່ນຕໍ່ໜ້າທີ່ພະນັກງານຂອງຕົນຢ່າກຽດຄ້ານ.
ປະການ 1: ບຸນມະຫາລາບແກ່ຜູ້ມີໃຈຍາກຈົນ,
ດ້ວຍວ່າອານາຈັກສະຫວັນເປັນຂອງໆເຂົາ.
ປະການ 2: ບຸນມະຫາລາບແກ່ຜູ້ມີໃຈອ່ອນຫວານ,
ດ້ວຍວ່າຈະໄດ້ຮັບແຜ່ນດິນມາເປັນສ່ວນມໍລະດົກ.
ປະການ 3: ບຸນມະຫາລາບແກ່ຜູ້ໄດ້ຮັບຄວາມທຸກຮ້ອນ,
ດ້ວຍວ່າຈະໄດ້ຮັບຄວາມທຸເລົາບັນເທົາ.
ປະການ 4: ບຸນມະຫາລາບແກ່ຜູ້ຫອດຫິວຄວາມຍຸຕິທຳ,
ດ້ວຍວ່າຈະໄດ້ອີ່ມໜຳສຳຣານ.
ປະການ 5: ບຸນມະຫາລາບແກ່ຜູ້ມີໃຈເອັນດູກະຣຸນາ,
ດ້ວຍວ່າຈະໄດ້ຮັບຄວາມເອັນດູກະຣຸນາຕອບແທນ.
ປະການ 6: ບຸນມະຫາລາບແກ່ຜູ້ມີໃຈບໍລິສຸດ,
ດ້ວຍວ່າຈະໄດ້ເຫັນພຣະເປັນເຈົ້າ.
ປະການ 7: ບຸນມະຫາລາບແກ່ຜູ້ສ້າງຄວາມສັນຕິ,
ດ້ວຍຈະໄດ້ຊື່ວ່າເປັນບຸດຂອງພຣະເຈົ້າ.
ປະການ8: ບຸນມະຫາລາບແກ່ຜູ້ຖືກບັງບຽດຍ້ອນຄວາມຍຸຕິທຳ,
ດ້ວຍວ່າອານາຈັກສະຫວັນເປັນຂອງໆເຂົາ.
1. ທານອາຫານແກ່ຜູ້ອຶດຢາກ.
2. ທານເຄື່ອງນຸ່ງແກ່ຜູ້ຂາດເຂີນ.
3. ລ້ຽງລູກກຳພ້າ.
4. ຢ້ຽມຢາມຄົນເຈັບປ່ວຍ.
5. ຢ້ຽມຢາມຜູ້ຖືກກັກຂັງ.
6. ໃຫ້ແຂກພັກເຊົາເຮືອນ.
7. ຝັງສົບຄົນຕາຍ.
1. ຕຸກເຕືອນຄົນບາບໃຫ້ໄປໃນທາງດີ.
2. ແຜ່ພຣະທຳຂອງພຣະເຢຊູເຈົ້າ.
3. ຊ່ວຍສອນຄຳສອນ.
4. ບັນເທົາຜູ້ໂສກເສົ້າເຫງົາໃຈ.
5. ຍົກໂທດໂຜດຜິດໃຫ້ຜູ້ອື່ນ.
6. ອົດທົນຄວາມຜິດຂອງຜູ້ອື່ນ.
7. ສວດອຸທິດໃຫ້ຜູ້ເປັນແລະຜູ້ຕາຍ.
ເຢຊູ ມາຣີອາ ຢໍແຊ ຂ້າພະເຈົ້າຂໍຖະຫວາຍດວງໃຈວິນຍານໃຫ້ທ່ານ.
ເຢຊູ ມາຣີອາ ຢໍແຊ ຂໍຢູ່ເຝົ້າຂ້າພະເຈົ້າໃນຍາມໃກ້ຈະຕາຍ.
ເຢຊູ ມາຣີອາ ຢໍແຊ ຂໍໃຫ້ຂ້າພະເຈົ້າໄດ້ຕາຍແລະຮ່ວມສຸກກັບທ່ານດ້ວຍເທີ້ນ.
ໂອພຣະມານດາ, ພວກລູກແລ່ນມາເພິ່ງແມ່, ຂໍແມ່ຢ່າເສີຍຕໍ່ຄຳອ້ອນວອນຂອງລູກໃນຍາມຂັດສົນ, ແຕ່ຂໍຊ່ວຍພົ້ນກັນດານອັນຕະລາຍທັງຫຼາຍສະເໝີເທີ້ນ, ໂອພົມມະຈາຣີຮຸ່ງເຮືອງເຫຼື້ອມໃສແລະຊອບໃຈພຣະເຈົ້າເອີຍ.
ກໍ່: ດວງພຣະໄທສັກສິດຂອງພຣະເຢຊູເຈົ້າ.
ຮັບ: ເມດຕາພວກຂ້າພະເຈົ້າເທີ້ນ.
ກໍ່: ດວງພຣະໄທບໍຣິສຸດແມ່ມາຣີອາ.
ຮັບ: ອ້ອນວອນຊ່ວຍເຮົາເທີ້ນ.
ກໍ່: ນັກບຸນຢໍແຊ.
ຮັບ: ອ້ອນວອນຊ່ວຍເຮົາເທີ້ນ.
ກໍ່: ນັກບຸນ (ອຸປະຖຳວັດ)…
ຮັບ: ອ້ອນວອນຊ່ວຍເຮົາເທີ້ນ.
ເດຊະພຣະນາມພຣະບິດາແລະພຣະບຸດ ແລະພຣະຈິດ.ສາທຸ.