II. ຕຽມພາລະກິດຂອງພຣະເຢຊູເຈົ້າ

ຄຳເທດສະໜາຂອງຢວງບັບຕິສຕາ

1.ປີທີສິບຫ້າແຫ່ງລາດຊະການຂອງກະສັດຕີເບຣີໂອເຊຊາເຣ, ປອນຊີໂອປີລາໂຕເປັນຜູ້ປົກຄອງແຂວງຢູເດ, ເຮໂຣດເປັນເຈົ້າເມືອງຄາລີເລ, ຟີລິບນ້ອງຊາຍເປັນເຈົ້າເມືອງອີຕູເຣແລະຕຣາໂຕນິດ, ສ່ວນລີຊານີອາເປັນເຈົ້າເມືອງອາບີແລນ, 2.ອັນນາແລະໄກອີຟາເປັນເຈົ້າຄະນະສົງ. ໃນປີນັ້ນເອງພຣະເຈົ້າໄດ້ກ່າວກັບຢວງບຸດຂອງຊາກາຣີຢູ່ທີ່ປ່ຽວ. 3.ຢວງຈຶ່ງໄປທົ່ວເຂດແຂວງທີ່ຢູ່ຮິມຝັ່ງແມ່ນ້ຳ, ເທດສະໜາເລື່ອງພິທີລ້າງຍົກບາບໃຫ້ພວກທີ່ຍອມເປັນທຸກກັບໃຈ. 4.ຕາມຖ້ອຍຄຳທີ່ໄດ້ຂຽນໄວ້ໃນໜັງສືຂອງປະພາສົກອີຊາຢາວ່າດັ່ງນີ້: “ມີສຽງຮ້ອງເຕືອນໃນທີ່ປ່ຽວວ່າ ຈົ່ງຈັດຕຽມຫົນທາງຂອງພຣະອົງເຈົ້າໃຫ້ຮາບພຽງ. ບ່ອນຫລຸບບ່ອນຕ່ຳຈະຖົມໃຫ້ເຕັມ, ພູເຂົາແລະເນີນຈະຕັດລົງໃຫ້ພຽງ, ທາງຄົດລ້ຽວຈະຕັດໃຫ້ຊື່ດີ, ທາງເປັນຄື້ນຈະກວາດໃຫ້ລ່ຽນ. ແລ້ວທຸກຄົນຈະໄດ້ພົບເຫັນຄວາມຮອດຂອງພຣະເຈົ້າ. 7.ທ່ານຢວງໄດ້ບອກກັບຝູງຊົນທີ່ມາຮັບພິທີລ້າງຈາກທ່ານວ່າ: “ເຊື້ອຊາດງູພິດເອີຍ! ໃຜບອກພວກເຈົ້າໜີພະພິໂລດທີ່ຈະມາເຖິງ. 8.ດັ່ງນີ້ ໃຫ້ພວກເຈົ້າທຳການໃຊ້ໂທດບາບອັນເໝາະສົມ ແລະຢ່າຄິດວ່າ: “ພວກເຮົາມີອາບຣາຮຳເປັນບິດາ”. ເຮົາບອກພວກເຈົ້າວ່າ: ພຣະເປັນເຈົ້າຊົງສາມາດບັນດານໃຫ້ກ້ອນຫິນເຫລົ່ານີ້ກາຍເປັນລູກຫລານຂອງອາບຣາຮຳກໍໄດ້. 9.ເວລານີ້ ຄົມຂວານກໍຈໍ້ໃສ່ເຫງົ້າໄມ້ແລ້ວ; ກົກໄມ້ໃດບໍ່ເກີດໝາກຜົນທີ່ດີ ກໍຈະຖືກປ້ຳລົງແລະຖິ້ມໃສ່ໄຟ”. 10.ຝູງຊົນຖາມຢວງວ່າ: “ພວກຂ້າພະເຈົ້າຈະຕ້ອງທຳຢ່າງໃດ?” 11.ຢວງຕອບວ່າ: “ຜູ້ໃດມີເສື້ອສອງໂຕ ຈົ່ງປັນໃຫ້ຜູ້ບໍ່ມີ; ຜູ້ໃດມີຂອງກິນ ກໍຈົ່ງທຳດັ່ງດຽວກັນ”. 12.ພວກເກັບສ່ວຍກໍມາຮັບພິທີລ້າງດ້ວຍ; ພວກເຂົາຖາມວ່າ: “ທ່ານອາຈານ, ພວກຂ້າພະເຈົ້າຈະຕ້ອງທຳຢ່າງໃດ?” 13.ຢວງຕອບວ່າ: “ພວກເຈົ້າຢ່າເກັບສ່ວຍເກີນອັດຕາເປັນອັນຂາດ”. 14.ຝ່າຍພວກທະຫານກໍຖາມວ່າ: “ພວກຂ້ານ້ອຍເດ ຈະຕ້ອງທຳຢ່າງໃດ?” ທ່ານຕອບວ່າ: “ພວກເຈົ້າຢ່າຂົ່ມເຫັງເຂົາເລີຍຈັກຄົນ; ຢ່າແຈ້ງຄວາມເທັດໃສ່ຜູ້ອື່ນ ແລະໃຫ້ພໍໃຈໃນເງິນເດືອນຂອງຕົນ”.

15.ປະຊາຊົນຜູ້ກຳລັງຄອງຖ້າຢູ່ຕ່າງພາກັນຄຶດວ່າ ຢວງນີ້ອາດຈະແມ່ນພຣະກຣິສໂຕກໍບໍ່ຮູ້; 16.ຢວງຈຶ່ງເວົ້າກັບພວກເຂົາວ່າ: “ເຮົາລ້າງພວກເຈົ້າດ້ວຍນ້ຳເທົ່ານັ້ນ, ແຕ່ຍັງມີຜູ້ໜຶ່ງຊົງອຳນາດກວ່າເຮົາພວມມາ; ເຮົາເອງບໍ່ສົມຈະແກ້ສາຍເກີບຂອງພຣະອົງຊ້ຳ ພຣະອົງນັ້ນຈະລ້າງພວກເຈົ້າໃນພຣະຈິດເຈົ້າແລະໄຟ. 17.ພຣະອົງຖືກະດົ້ງຟັດມາດ້ວຍ, ເພື່ອຝັດເຂົ້າໃນລານໃຫ້ສະອາດ, ແລ້ວຂົນເຂົ້າດີຂຶ້ນໃສ່ເລົ້າ; ສ່ວນເຟືອງນັ້ນ ຈະເອົາໄປຖິ້ມໃສ່ໄຟອັນບໍ່ຮູ້ ມອດ”. 18.ທ່ານຢວງຍັງໄດ້ປະກາດຂ່າວປະເສີດ ໂດຍເຕືອນສອນປະຊາຊົນອີກຫລາຍຢ່າງ. 

ຢວງຖືກຄຸກ

19.ປານນັ້ນກໍດີ ກະສັດເຮຣັອດ, ຜູ້ຖືກຢວງຕິຮ້າຍເຖິງເລື່ອງນາງເຮໂຣດີອັດ, ພັນລະຍາຂອງນ້ອງຊາຍ, ແລະກ່ຽວກັບຄວາມຜິດທີ່ກະສັດໄດ້ກະທຳອີກຫລາຍຢ່າງນັ້ນ, 20.ໄດ້ຕື່ມຄວາມຜິດນີ້ໃສ່ອີກຄື: ສັ່ງໃຫ້ຂັງຄຸກທ່ານຢວງ.

ພຣະເຢຊູເຈົ້າຮັບພິທີລ້າງ

21.ເມື່ອປະຊາຊົນທັງໝົດຮັບພິທີລ້າງແລ້ວ, ພຣະເຢຊູເຈົ້າກໍຮັບແລ້ວດ້ວຍ, ແລະໃນເວລາພຣະອົງກຳລັງພາວະນາຢູ່, ທ້ອງຟ້າເປີດອອກ, 22.ແລະພຣະຈິດເຈົ້າສະເດັດລົງມາເໜືອພຣະອົງເປັນຮູບຊົງຄືນົກກາງແກ. ແລ້ວມີສຽງໜຶ່ງດັງມາຈາກທ້ອງຟ້າວ່າ: “ທ່ານແມ່ນບຸດສຸດທີ່ຮັກຂອງເຮົາ. ເຮົາພໍພຣະໄທນຳທ່ານເປັນຢ່າງຍິ່ງ”.

ເຊື້ອວົງຂອງພຣະເຢຊູເຈົ້າ

23.ສ່ວນພຣະເຢຊູເຈົ້າ ເມື່ອຊົງເລີ່ມຕົ້ນພາລະກິດ, ພຣະອົງມີອາຍຸປະມານສາມສິບປີ, ແລະເຂົາຖືວ່າພຣະອົງເປັນບຸດຂອງຢໍແຊ; ຢໍແຊເປັນບຸດຂອງເອລີ; ເອລີເປັນບຸດຂອງມາທັດ; 24.ມາທັດເປັນບຸດຂອງເລວີ; ເລວີເປັນບຸດຂອງແມນກີ; ແມນກີເປັນບຸດຂອງຢັນນາຍ; ຢັນນາຍເປັນບຸດຂອງຢໍແຊ; 25.ຢໍແຊເປັນບຸດຂອງມາທາທີອາ; ມາທາທີອາເປັນບຸດຂອງອາມອດ; ອາມອດເປັນບຸດຂອງນາຮຸມ; ນາຮຸມເປັນບຸດຂອງແອັດລີ; ແອັດລີເປັນບຸດຂອງນັກກາຍ; 26.ນັກກາຍເປັນບຸດຂອງມາອັດ; ມາອັດເປັນບຸດຂອງມາທາທີອາ; ມາທາທີອາເປັນບຸດຂອງເຊແມນ; ເຊແມນເປັນບຸດຂອງຢໍແຊກ ຜູ້ເປັນບຸດຂອງຢໍດາ; 27.ຢໍດາເປັນບຸດຂອງຢໍອານຳ; ຢໍອານຳເປັນບຸດຂອງເຣຊາ; ເຣຊາເປັນບຸດຂອງໂຊໂຣບາແບນ; ໂຊໂຣບາແບນເປັນບຸດຂອງຊາລາທີແອນ; ຊາລາທີແອນເປັນບຸດຂອງເນຣີ; 28.ເນຣີເປັນບຸດຂອງ ແມນກີ; ແມນກີເປັນບຸດຂອງອັດດີ; ອັດດີເປັນບຸດຂອງໂກຊຳ; ໂກຊຳເປັນບຸດຂອງແອນມາດຳ; ແອນມາດຳເປັນບຸດຂອງແອກ; 29.ແອກເປັນບຸດຂອງເຢຊູ; ເຢຊູເປັນບຸດຂອງເອລີເອ ແຊ; ເອລີເອແຊເປັນບຸດຂອງເຢຣິມ; ເຢຣິມເປັນບຸດຂອງມັດຕັດ; ມັດຕັດເປັນບຸດຂອງເລວີ; 30.ເລວີເປັນບຸດຂອງຊີເມອອນ; ຊີເມອອນເປັນບຸດຂອງຢູດາ; ຢູດາເປັນບຸດຂອງຢໍແຊ; ຢໍແຊເປັນບຸດຂອງຢໍນຳ; ຢໍນຳເປັນບຸດຂອງເອລີອາກິມ; 31.ເອລີອາກິມເປັນບຸດຂອງເມເລອາ; ເມເລອາເປັນບຸດຂອງແມນນາ; ແມນນາເປັນບຸດຂອງມາຕາທາ; ມາຕາທາເປັນບຸດຂອງນາທັນ; ນາທັນເປັນບຸດຂອງດາວິດ; 32.ດາວິດເປັນບຸດຂອງແຢັສເຊ; ແຢັສເຊເປັນບຸດຂອງໂຢແບັດ; ໂຢແບັດເປັນບຸດຂອງໂບອົດ; ໂບອົດເປັນບຸດຂອງຊາລາ; ຊາລາເປັນບຸດນາອັດຊອນ; ນາອັດຊອນເປັນບຸດຂອງອາມີນາດັບ; ອາມີນາດັບເປັນບຸດຂອງອັດມິນ; ອັດມິນເປັນບຸດຂອງອັກນີ; ອັກນີເປັນບຸດຂອງແອດສະຣົງ; ແອດສະຣົງເປັນບຸດຂອງຟາແຣດ; ຟາແຣດເປັນບຸດຂອງຢູດາ. 34.ຢູດາເປັນບຸດຂອງຢາກັອບ; ຢາກັອບເປັນບຸດຂອງອີຊາອັກ; ອີຊາອັກເປັນບຸດຂອງອາບຣາຮຳ; ອາບຣາຮຳເປັນບຸດຂອງທາຣາ; ທາຣາເປັນບຸດຂອງນາກໍ; 35.ນາກໍເປັນບຸດຂອງຊາຣຸກ; ຊາຣຸກເປັນບຸດຂອງຣາເກົາ; ຣາເກົາເປັນບຸດຂອງຟາແລັກ;ຟາແລັກເປັນບຸດຂອງເອແບ ຜູ້ເປັນບຸດຂອງຊາລາ; 36.ຊາລາເປັນບຸດຂອງກາຍນຳ; ກາຍນຳເປັນບຸດຂອງອັກຟາຊັດ; ອັກຟາຊັດເປັນບຸດຂອງແຊມ; ແຊມເປັນບຸດຂອງໂນແອ; ໂນແອເປັນບຸດລາແມັກ. 37.ລາແມັກເປັນບຸດຂອງມາທູຊາແລມ; ມາທູຊາແລມເປັນບຸດຂອງເອນົກ; ເອນົກເປັນບຸດຂອງຢາແຣັດ; ຢາແຣັດເປັນບຸດຂອງມາລາເລແອນ; ມາລາເລແອນເປັນບຸດຂອງກາຍນຳ; 38.ກາຍນຳເປັນບຸດຂອງເອນອດ ຜູ້ເປັນບຸດຂອງແຊັດ; ແຊັດເປັນບຸດຂອງອາດຳ; ອາດຳເປັນບຸດຂອງພຣະເປັນເຈົ້າ.