ການປົກຄອງຊົ່ວໄລຍະພັນປີ

1.ແລ້ວຂ້າພະເຈົ້າໄດ້ເຫັນເທວະດາອົງໜຶ່ງລົງມາຈາກສະຫວັນ ຖືລູກກະແຈແຫ່ງເຫວເລິກແລະໂສ້ເສັ້ນໃຫຍ່ຢູ່ໃນມື. 2.ເທວະດາອົງນີ້ໄດ້ຄວບຄຸມໂຕເງືອກໄວ້ ໂຕງູແຕ່ດຶກດຳບັນ ແມ່ນຜີປີສາດ ຊາຕານ ແລະໄດ້ໃສ່ໂສ້ມັນໄວ້ຊົ່ວໄລຍະ 1000 ປີ, 3.ເພິ່ນໄດ້ຖິ້ມມັນລົງໃນເຫວເລິກ ແລ້ວອັດໃສ່ໄລແລະປະທັບຕາໃສ່ພ້ອມ ເພື່ອໃຫ້ມັນຢຸດເຊົາຫລອກຕົວະປະຊາຊາດ ຈົນກວ່າ 1000 ປີ ຜ່ານພົ້ນໄປ. ຫລັງຈາກນັ້ນ ຈະຕ້ອງປ່ອຍມັນອອກເປັນເວ ລາຊົ່ວຄາວ. 4. ຂ້າພະເຈົ້າຍັງໄດ້ເຫັນບັນລັງຫລາຍອັນ ແລະພວກທີ່ໄດ້ຮັບໜ້າທີ່ເພື່ອພິພາກສາຕັດສິນ ກໍນັັ່ງຢູ່ເທິງບັນລັງນັ້ນ ແມ່ນບັນດາວິນຍານຂອງຈຳພວກທີ່ໄດ້ຖືກຕັດຄໍ ຍ້ອນການເປັນພະຍານເຖິງພຣະເຢຊູເຈົ້າແລະພຣະວາຈາຂອງພຣະເຈົ້າ ແລະທຸກຄົນທີ່ບໍ່ຍອມບູຊາສັດຮ້າຍແລະຮູບຂອງມັນ ພວກທີ່ບໍ່ຍອມຖືເຄື່ອງໝາຍຂອງມັນ ຕິດໄວ້ທີ່ໜ້າຜາກຫລືມືຂອງຕົນ. ເຂົາເຫລົ່ານັ້ນໄດ້ຄືນມີຊີວິດໃໝ່ ແລະໄດ້ປົກຄອງຮ່ວມກັບພຣະກຣິສໂຕເຈົ້າ ຊົ່ວໄລຍະ 1000 ປີ. 5.ນີ້ແມ່ນການກັບຄືນຊີບບັ້ນຕົ້ນ. ສ່ວນບັນດາຜູ້ຕາຍອືື່ນໆຈະບໍ່ໄດ້ຄືນມີຊີວິດໃໝ່ອີກ ຈົນກວ່າ1000 ປີ ນັ້ນຈະລ່ວງກາຍໄປ. 6.ຜູ້ທີ່ມີສ່ວນໃນການກັບຄືນຊີບຄັ້ງຕົ້ນນີ້ ເປັນຜູ້ມີສຸກແລະສັກສິດຫລາຍ. ຄວາມຕາຍຄັ້ງທີສອງຈະບໍ່ມີສິດເໜືອເຂົາເລີຍ ແຕ່ພວກເຂົາຈະໄດ້ເປັນສົງຂອງພຣະເຈົ້າແລະຂອງພຣະກຣິສໂຕ ພ້ອມທັງຈະໄດ້ປົກຄອງຮ່ວມກັບພຣະອົງຕະຫລອດ 1000 ປີ.

ການປະທະຄັ້ງທີສອງ

7.ເມື່ອ1000 ປີ ຈະລ່ວງກາຍໄປ ຊາຕານກໍຈະຖືກປ່ອຍຈາກຄຸກ 8.ມັນຈະໄປຫລອກລວງບັນດາປະຊາຊາດທົ່ວທິດທັງສີ່ຂອງແຜ່ນດິນໂລກ, ຄືໂຄກແລະມາໂຄກ ໃຫ້ມາທ້ອນໂຮມກັນເພື່ອເສິກສົງຄາມ ຈຳນວນເຂົາຈະຫລາຍເທົ່າເມັດຊາຍໃນທະເລ 9.ພວກເຂົາໄດ້ຍົກທັບອອກໄປທົ່ວທັງປະເທດ ແລ້ວໄດ້ປິດລ້ອມຄ້າຍຂອງພວກນັກບຸນ ແລະນະຄອນທີ່ແສນຮັກຫອມຂອງພຣະເຈົ້າ. ແຕ່ໄຟໄດ້ຕົກລົງມາຈາກສະຫວັນ ແລະໄດ້ລ້າງຜານພວກເຂົາເສຍ. 10.ສ່ວນຜີປີສາດຜູ້ຫລອກລວງພວກເຂົາກໍໄດ້ຖືກຖິ້ມລົງຂຸມໄຟທີ່ລຸກໄໝ້ຢູ່ດ້ວຍມາດ ໃຫ້ໄປພົບກັບສັດຮ້າຍແລະປະພາສົກທຽມ ແລະພວກເຂົາຈະໄດ້ຮັບທົນທຸກທໍຣະມານທັງເວັນແລະຄືນຕະຫລອດເປັນນິດ.

ການພິພາກສາໂທດໃສ່ນານາຊາດ

11.ແລ້ວຂ້າພະເຈົ້າໄດ້ເຫັນພະລາດຊະບັນລັງໃຫຍ່ຂະໜາດອັນໜຶ່ງສີຂາວ ພ້ອມທັງພຣະອົງຜູ້ປະທັບຢູ່ເທິງນັ້ນ. ຟ້າສະຫວັນແລະແຜ່ນດິນໂລກພ່າຍໜີຕໍ່ພຣະພັກພຣະອົງ ໂດຍບໍ່ເຫັນຮອຍເລີຍ. 12.ແລະຂ້າພະເຈົ້າໄດ້ເຫັນບັນດາຜູ້ຕາຍ, ທັງໃຫຍ່ແລະນ້ອຍ, ຢືນຢູ່ຕໍ່ໜ້າພະລາດຊະບັນລັງນັ້ນ ໜັງສືຕ່າງໆກໍຖືກເປີດແບອອກ, ແລ້ວມີໜັງສືເຫລັ້ມໜຶ່ງຊຶ່ງແມ່ນໜັງສືທະບຽນແຫ່ງຊີວິດ ແລ້ວບັນດາຜູ້ຕາຍກໍໄດ້ຮັບຕັດສິນຕາມມີບັນທຶກໄວ້ໃນໜັງສືນັ້ນ, ແຕ່ລະຄົນຕາມຜົນງານຂອງໃຜມັນ. 13.ທະເລກໍສົ່ງຄືນຈຳນວນຜູ້ຕາຍຊຶ່ງເຂົາມີ, ຄວາມຕາຍແລະແດນມໍລະນາກໍສົ່ງຄືນຈຳນວນຜູ້ຕາຍຂອງເຂົາ, ແລະແຕ່ລະຄົນກໍໄດ້ຮັບການພິພາກສາຕາມຜົນງານຂອງຕົນ. 14.ແລ້ວຄວາມຕາຍແລະແດນມໍລະນະກໍຖືກຖິ້ມລົງໃນຂຸມໄຟ. ຂຸມໄຟນີ້ແລແມ່ນຄວາມຕາຍຄັ້ງທີສອງ ແລະຜູ້ໃດບໍ່ມີຊື່ບັນທຶກໄວ້ໃນທະບຽນແຫ່ງຊີວິດກໍຖືກຖິ້ມລົງໃນຂຸມໄຟ.