ບົດເພງຂອງໂມແຊແລະຂອງພະຊຸມພານ້ອຍ

1.ຕໍ່ມາ ຂ້າພະເຈົ້າໄດ້ເຫັນສຳຄັນອັນຍິ່ງໃຫຍ່ ແລະໜ້າອັດສະຈັນອີກຢ່າງໜຶ່ງ ມີເທວະດາເຈັດອົງຖືໄພພິບັດເຈັດຢ່າງ, ແມ່ນໄພພິບັດສຸດທ້າຍ, ດ້ວຍວ່າພະພິໂລດຂອງພຣະເຈົ້າຈະມອນລົງດ້ວຍໄພພິບັດເຫລົ່ານີ້. 2.ແລະຂ້າພະເຈົ້າຍັງໄດ້ເຫັນ ປາກົດຄືທະເລແກ້ວ ປົນໄຟ; ແລະໄດ້ເຫັນບັນດາຜູ້ໄດ້ຊະນະຕໍ່ສັດຮ້າຍ, ຕໍ່ຮູບຂອງມັນແລະຕໍ່ເລກໝາຍຊື່ຂອງມັນ ຢືນຢູ່ແຄມທະເລນັ້ນ. ພວກດີດພິນຂອງພຣະເຈົ້າ 3.ພ້ອມທັງຮ້ອງເພງຂອງໂມແຊຂ້າໃຊ້ຂອງພຣະເຈົ້າ, ແລະເພງຂອງພະຊຸມພານ້ອຍ ໃສ່ວ່າ: “ໂອພຣະອົງ ພຣະເຈົ້າຂອງສັບພະສິ່ງທັງຫລາຍ ພະລາດຊະກິດຂອງພຣະອົງເກີນວ່າຍິ່ງໃ່ຫຍ່ແລະໜ້າອັດສະຈັນແທ້ ໂອພຣະມະຫາກະສັດແຫ່ງປະຊາຊາດທັງຫລາຍ ແນວທາງຂອງພຣະອົງກໍຍຸຕິທຳແລະທ່ຽງຈິງ. 4.ໂອພຣະອົງເຈົ້າ ໃຜຈະຍອມນະມັດສະການແລະຖະຫວາຍພະກຽດແດ່ພຣະນາມຂອງພຣະອົງ? ດ້ວຍວ່າ ພຣະອົງຜູ້ດຽວຊົງເປັນຜູ້ສັດສິດ ແລະນາໆຊາດທັງໝົດຈະມາຂາບໄຫວ້ຕໍ່ພຣະພັກພຣະອົງ ດ້ວຍວ່າກິດຈະການຂອງພຣະອົງໄດ້ເປັນທີ່ປະກົດແຈ້ງແລ້ວ”.

ໄພພິບັດເຈັດຢ່າງຈາກຈອກເຈັດຈອກ

5.ຕໍ່ຈາກນັ້ນ ຂ້າພະເຈົ້າໄດ້ເຫັນພຣະວິຫານໃນສະຫວັນເປີດອອກ ຜາມແຫ່ງການເປັນພະຍານ 6.ມີເທວະດາເຈັດອົງຖືໄພພິບັດເຈັດຢ່າງອອກມາຈາກພຣະວິຫານນັ້ນ ນຸ່ງຫົ່ມດ້ວຍຜ້າປ່ານ ເນື້ອລະອຽດເສາະໃສ ແລະຄັດສາຍແອວຄຳ. 7.ແລ້ວສັດມີຊີວິດຕົວໜຶ່ງໃນສີ່ ກໍໄດ້ເອົາຈອກຄຳເຈັດໜ່ວຍ ເຕັມດ້ວຍພະພິໂລດຂອງພຣະເຈົ້າຜູ້ດຳຣົງຢູ່ຕະຫລອດໄປ ມອບໃຫ້ເທວະດາທັງເຈັດ. 8.ແລະພຣະວິຫານກໍເຕັມໄປດ້ວຍຄວັນ ເກີດຈາກລັດສະໝີຂອງພຣະເຈົ້າ ແລະຈາກຣິດທານຸພາບຂອງພຣະອົງ ຈົນວ່າບໍ່ມີໃຜສາມາດເຂົ້າໃນພຣະວິຫານໄດ້ ຈົນກວ່າໄພພິບັດເຈັດຢ່າງຂອງເທວະດາເຈັດອົງນັ້ນ ຈະໄດ້ສິ້ນສຸດລົງ.